Times 360 Malawi, Jan 6
 #Times360Malawi

Mtsogoleri wa chipani cha People's Transformation (Petra) a Kamuzu Chibambo wati ndi zokhumudwitsa kuti malonjezo ambiri a mgwirizano wa Tonse kwa Amalawi sakukwaniritsidwa.
A Chibambo atinso kugwa kwa ndalama ya Kwacha ndi malinga ndi zisankho zosakhala bwino zimene atsogoleri a dziko lino akhala akupanga.
Iwo ati chipani chawo chabwera kudzalimbana ndi umphawi umene ukuzunza Amalawi chifukwa akudziwa kuti ndi zotheka dziko lino kuchoka mu umphawiwu.
A Chibambo akuyankhula izi mu mzinda wa Blantyre pamene chipani chawo chikukhazikitsa tsamba la pa intaneti (website).
Chipani cha Petra chidali nawo mu mgwirizano wa Tonse koma chidalengeza kuti chatuluka.